Aðfaranótt sunnudags

Fyrst að maður getur ekki sofnað þá er alveg eins gott að vera netnörd.

Iron Maiden er klárlega besta tónlistin til þess að hafa með sér í ræktinni. Síðasta vika í ræktinni var Iron Maiden vikan klárlega. Slagarar á borð við "run to the hills" " fear of the dark" "the number of the beast" og "wickerman" með sterka innkomu eins og ávallt. Nú á að fara að taka ræktina með ansi föstum tökum.. Byrja í einkaþjálfun á mánudaginn. Markmiðið er að geta hýjað á Van Damme í lok sumars.

Djamm... hreinlega búið að vera of mikið af því. Einn leigubílstjóri sem ég fékk far hjá heim um daginn sagði við mig að alvöru karlmenn drykkju í 3mánuði straight. Lúmskan grun um að leigubílstjórinn hafi átt við áfengisvandamál að stríða. Maður þarf klárlega að finna sér annað sér til gamans en að fara á djammið í bænum sem er klárlega orðið mjög leiðinlegt. (klárlega er klárlega orðið í þessum texta)

In case fyrir ykkur útlendingana sem eru að koma heim til Íslands á næstunni... undirbúið ykkur fyrir all verulegt sjokk.. það er allt orðið ógeðslega dýrt hérna á klakanum. Sbr. bensínið.. fyllti bílinn minn um daginn og líterinn var á 160kr í sjálfsafgreiðslu.

-Ísak-

Sunnudagur

-Ísak-

Bruðl

Toyotu Tacuma eigandinn sem keyrði stoltur fram hjá mér um daginn lýsti þjóðfélaginu vel, brunandi um götur bæjarins með einkanúmerið BRUÐL á bílnum sínum. Flottur sá.. þarf líklegast ekki svo mikið að hafa áhyggjur af hækkandi bensínverði.

Furðulegt veðrið sem er búið að vera síðustu daga. Einn daginn alveg glampandi sól og maður vogar sér að fara í gott skap, þrífa bílinn sinn og klæða sig sumarlega. En viti menn svo næsta dag er bara komin snjókoma og maður þarf að fara skafa eins og eskimói á norðupólnum. Líklegast væri best að lýsa þessu þannig að vera ofsa kátur eina mínutuna og falla svo í þunglyndi á núll einni í skítakulda. Svo er fólk voða hissa yfir því að landinn sé þunglyndur.

En svona var allvegana veðrið í dag.. alveg nice..

Ps. Takk kærlega fyrir góða innkomu með brandarann Davíð.. :D

-Ísak-

Uppáhalds ofurhetjan mín SPIDERPIG

Fólk hefur eflaust tekið eftir að atvinnubílstjórar hafa verið að mótmæla háu bensínverði og aðgerðarleysi stjórnvalda til að stemma stigu við öllum þessum hækkunum sem dynja á landanum. Þeir sem horfa á fréttir hafa einnig tekið eftir því að stjórnmálamenn þjóðarinnar sitja bara á sínum feita rassi og hlægja upp í opið geðið á þjóðinni og segjast ekki geta gert neitt til að hjálpa þjóðinni svo að hún ráði við öll sín 100%lán. Ekkert hefur í raun gerst í þessum mótmælum nema að fólk er orðið pirrað á að komast ekki í vinnunna og forsprakki atvinnubílstjóra hann Sturla hefur verið kærður fyrir hegningarlagabrot.

Ég get sagt ykkur gott fólk að þetta gengur ekki lengur við þurfum mann sem getur leyst þetta skjótt og auðveldlega. Mann sem leggur ekki fyrir sig að beita þrýstingi á réttu aðilana til að fá máli sínu framgengt. Mann sem stendur upp í hárinu á þessum stjórnmálamönnum sem telja sig vera hægri hendi Guðs. Mann sem sem á auðvelt með að ná til fólksins í landinu og hvetja það áfram í að mótmæla aðgerðaleysi stjórnvalda..

Get ég með gleði og tár í vanga tilkynnt ykkur hér með að ég hef fundið rétta aðilann sem mun leiða týnda þjóð áfram í gegnum þessa erfiðu tíma.. þetta er enginn annar er vinalegi nágranninn SPIDERPIG




-Ísak-

Dýri laugardagurinn

Vá hvað allt er orðið miklu dýrara. Fór í Smáralindina í gær og var að hugsa um að versla mér föt. Fór í Levis búðina sem er venjulega kannski ekki ódýrasta búðin og ætlaði að líta á gallabuxur. Buxur sem voru á 12.900,- eða 13.900,- minnir mig eru komnir í 18.990,-. Þannig að í dag ef maður ætlar sér að versla sér gallabuxur þarf maður að vera tilbúinn að gefa annað nýrað. Þannig að ég endaði bara með einn skitinn peysugarm og ennþá með nýrað á sama stað.

Svo er náttúrulega bensínið alveg rokið upp úr öllu valdi. Var 147,- rúmar þegar ég keypti bensín síðast. Það kostar mig s.s 2.000,- meira að fylla bílinn minn af bensíni. Hugsa að ég fari einn niður á alþingi og hefji þar "fjölda" mótmæli gegn háu bensínverði og skelli mér þar í hóp atvinnubílstjóra.

Jæja... verð að fara að selja nýrað fyrir hádegismat


-Ísak-

Gott veður

Laugardagurinn 5.april

Djöfull er búið að vera gott veður sl. tvo daga. Svoldið kalt en engu að síður alger rjómablíða miðað við sígildu rigninguna og smá snjó hérna síðust daga og vikur.

Kominn í harkið

Þá er maður kominn aftur i blogg harkið og farinn að skrifa pistla á útblástur ventilinn blogspot eins og forðum daga sér og öðrum til gamans. Það sem hefur breyst frá því ég skrifaði síðast svona pistil er að ég er orðinn eins og megin þorri landsmanna búinn að fá mér myspace sem ég kann lítið á og svo facebook sem ég kann ekkert á. Engu að síður hef ég tekið þann pól í hæðina að fylgja tískustraumum netvafrarans. Maður er varla maður meðal manna nema að hafa eitt stk facebook síðu nú til dags og er maður litinn hornauga ef maður segist ekki þekkja facebook eða myspace.

Mikið vatn er runnið til sjávar síðan að ég lét sjá mig hérna á útblásturs ventli nútímamannsins. Í fyrsta lagi er ég alfarið kominn heim á Íslandið góða og er ekkert fararsnið á manni. Í öðru lagi þá er ég farinn að vinna í útivistarfatnaðarbransanum og er orðinn sölumaður hjá ZO-ON útivistarfatnaði, sem ábyggilega einn eða tveir íslendingar kannast við. Svo eins og venjulega er ég verulega danstengdur í hitt og þetta dansdót hér og þar.

Annars styttist ískyggilega í að maður verður 25 eða kvart hundrað. Þetta er búið að vera svona raunveruleika tjekk upp á síðkastið hjá manni, vinir manns farnir að trúlofa sig og eignast börn eins og þeim sé borgað fyrir það. Ég er með blendnar tilfinningar gagnvart þessum "áfanga" að verða kvart hundrað. Sjáum hvort að þetta hafi eitthvað breyst í Júlí þegar stóri dagurinn rennur upp.

En það sem hefur án staðið upp úr síðustu mánuðina er að ég eignaðist lítinn frænda. Rakel systir mín eignaðist myndarlegan strák sl. aðfangadag. Sem síðasta sunnudag fékk nafnið Gabríel Max og er vel við hæfi að enda þessa skrifræpu með mynd af peyjanum

-Ísak-